التجربة الاستونية في سوريا ؟؟ ما هو المشترك وسر النجاح في نفس الوقت ؟؟

🇪🇪🇪🇺🇸🇾

اليوم بكون صرلنا ٣ سنين تماما بعقدنا مع حكومة استونيا الرقمية، بس هالسنة اول مرة عنجد بتبطل أمنية ولازم بقى اشتغل او اعمل شي.

هالبلد باخر التسعينات استقلت وما معها مصاري ولا حتى بنية تحتية، بس استثمروا بأهم شي ويلي هو عقول الناس و الشباب، هالشعب أمن انوا هي ضرورة و ليس ترف.

اليوم استونيا اذا ما ببالغ ٩٥ بالمية من حياتها يستعمل بشكل رقمي بالكامل، حتى وصلو انوا التصويت كلو الكتروني، و اليوم هي معروفة بالجمهورية الرقمية بالعالم، حتى بالفترة الأخيرة انعرفت بالإقامة الرقمية يلي غيرت كتييير من طرق شغلنا شخصيا، القرار كان مقسم ل ٣ محاور أساسية:

الاول وهو الاستثمار المبكر بتعليم البرمجة و الرقمنة بالمدارس، تخيلوا زملاءي هون يلي بعمري من الابتدائي مبلشين فيها و حتى الجيل يلي قبلنا.

الثاني هو عطوا الناس الثقة ووثقوا فيهم، هاد التحدي ويلي نحن بنعتبروا ضرب خيال بالنسبة النا، بس الغريب انوا هالثقة هي يلي شكلت حجر زاوية رهيييييييب بهالتطور يلي وصلولو اليوم، طبعا اكيد لعبوا على التخويف من البعبع جارون يلي على الحدود و الشعب كلو اشتغل ليحققوا شروط ينضموا للاتحاد الأوروبي والناتو، هالشعب بحب بلدو بطريقة غريبة، حتى اوقات بنجتمع ب روس رفضوا الرجعة لروسيا بالرغم من عدم اندماجون الكبير بالمجتمع

الثالث والاكيييييييد هي القوانين و العدل، الاستثمارات العالمية بالبنى التحتية الرقمية بتفاجءنا كل سنة.

الخلاصة:

لازم يكون عنا تفكير ومنطق بإعادة إعمار رقمي بتأمين بنية تحتية مناسبة بالمقام الاول، نحن شعب صدقوني مو مبلشين من الصفر بس لازم نعرف انوا متحدون نقف، متفرقون نسقط، لازم نبلش من حوكمة مظبوطة ى يلي للأسف نحن لهلق مالنا علاقة فيها و للأسف يلي بيحضر كل سنة مؤتمر حوكمة الانترنت وبيشوف وضع سوريا والتقارير عنها بيقول بدنا معجزة، بس نحن السوريين بنعرف انوا نحن اقوى و وقت بدنا منظم حالنا وهالشي اثبتناه من كم شهر.

استونيا نجاحها اجى من قرار سياسي جريء جدا، الاستثمار بالناس هو احسن استثمار بتعملوا ب اي بزنس، السوريين اليوم متعطشين للعلم بس للاسف لهلق الفرص محدودة، يارب نقدر نعمل شي و نشوف حوكمة مظبوطة و صدقوني كلشي بيجي بعدين.

يارب يوما ما 🙏🇸🇾